«Մխիթար Սեբաստացի» կրթահամալիրում իրականացվում է հեղինակային մանկավարժություն, որի հեղինակ դասավանդողի մասնագիտական ուսուցումն, անընդհատ մանկավարժական զարգացումն ու դրան ներկայացվող պահանջները շուրջտարյա են։
Կրթահամալիրն իրականացնում է մեդիաուսուցում, հետևաբար դասավանդողի գործունեությանը ներկայացվող պահանջներում կարևորվում է մեդիահմտություններին տիրապետումը և դրանց կիրառումն ամենօրյա ուսումնական աշխատանքում։
Դասավանդողն իր գործունեությամբ պետք է կարողանա ապահովել հետևալ կարգերով ամրագրված պահանջները՝
- Կրթահամալիրի ներքին կարգապահական կանոններ
- Հեռավար-առցանց ուսուցումը կրթահամալիրում
- Ուսումնական տեղեկատվության էլեկտրոնային գրանցում
- Հեռավար ուսուցման կազմակերպման
- Առցանց ուսումնական պարապմունքի կազմակերպման
- Ուսումնական պարապմունքի կազմակերպման
Տեղեկատվական և հաղորդակցական տեխնոլոգիաների կիրառումն ուսումնական գործընթացում, դրա զարգացումը չափելի արդյունքի է բերվում դասավանդողի բլոգային գործունեությամբ։
Դասավանդողն իր ուսումնական բլոգը վարում է կրթահամալիրում մշակված, կառավարման խորհրդում դասավանդողի բլոգին ներկայացվող պահանջներին համապատասխան՝ հենց բլոգավարության ընթացքում էլ ցուցադրելով անհրաժեշտ ՏՀՏ հմտություններ,որպեսզի կարողանա ապահովել ստորև նշված կետերը՝
- «Մխիթար Սեբաստացի» կրթահամալիր
- Մանկավարժական աշխատողի անուն-ազգանունը
- «Իմ մասին» էջ՝ լուսանկարով, կայքի, ենթակայքի, «Դպիրի», սոցիալական ցանցերի էջերի, ինքնակենսագրության հղումներով
- Մի էջում՝ տվյալ ուսումնական տարվա իր սովորողների բլոգները (հղումներ)։
- Բլոգի բաժիններ
- Աշխատողի անհատական պլան
- Աշխատողի վարած-վարելիք դասընթացների ծրագրեր
- Աշխատողի ստեղծած ուսումնական նյութեր
- Օգտագործվող այլ ուսումնական նյութեր
- Ուսումնական պարապմունքներ
- Ուսուցչի օրագիր (ուսումնական պարապմունքի վերլուծություն)
- Հոդված (սեփական, այդ թվում՝ այլ պարբերականներում հրապարակված)
- Թարգմանություն
- Ուսումնական նախագծեր
- Ճամփորդություն
- Սովորողների ճամբար
- Մանկավարժական աշխատողների ճամբար
- Ստուգատես
- Ելույթներ ԶԼՄ-ներում
- Կրթական փոխանակումների նախագծեր
- Քաղաքացիական-հասարակական նախագծեր
- Գրադարան (պարտադիր չէ)
- Մասնագիտական զարգացում կամ ինքնակրթություն (մասնագիտական գրքեր, հոդվածներ, խնդիրներ, …)
- Աշխատողին ուղղված հարցեր-պատասխաններ
- Այլ
- Բլոգը պիտի ունենա պահոցներ (արխիվ)՝ ըստ տարիների և ամիսների։
Դասավանդողը պետք է տիարապետի ձայնագրման, մոնտաժային մի շարք ծրագրերի՝ իր դասավանդած առարկայի, իրականացրած նախագծերի բովանդակությունից ելներով։
Դասավանդողը պետք է՝
- ունենա համակարգչից օգտվելու տարրական հմտություններ
- ունենա համակարգչի հիմնական պերիֆերային սարքավորումներից (մուկ, ստեղնաշար, մոնիտոր, պրոյեկտոր, smart tv, տպիչ, ծրիչ, միացման լարեր) օգտվելու կարողություն, տիրապետի միացման հիմնական գործողություններին,
- համացանցը գործածի ուսումնական գործընթացում, ունենա համացանցում անհրաժեշտ տեղեկույթի փնտրման, փաստերի ստուգման հմտություններ,
- թվային ապահովության և անձնական գաղտնիության, էթիկայի, անվտանգության, հեղինակային իրավունքի պահպանման սկզբունքների իմացություն
- կարողանա օգտվել որևէ տեքստային խմբագրիչից
- կարողանա նախագծել, իրականացնել իր կազմած ստուգման, ինքնաստուգման թերթիկներն, առաջադրանքները,
- կարողանա հավաքագրել, ներկայացնել վերջնական արդյունքները,
- կարողանա ձայնագրել, տեսանկարահանել իր համակարգած նախագծի բաղադրիչները․ դրանք ներկայացնել համապատասխան մոնտաժով,
- կարողանա լուսանկարել, տեսանկարահանել իր համակարգած նախագծի ընթացքը, ներկայացնել,
- կարողանա գործածել տարբեր սիմուլյատորներ,
- կարողանա իրականացնել առցանց, հեռավար ուսուցում՝ համապատասխան ծրագրերի օգտագործմամբ։
Տեսանելի արդյունքը՝ դասավանդողի բլոգում՝
- բլոգի համապատասխանությունը վերը նշված կետերին-9 ժամ
- բլոգում առկա տեսանյութ-3 ժամ
- բլոգում առկա ձայնանյութ-3 ժամ
- հատված տեսադասից-2 ժամ
- թեստի նմուշ-3 ժամ
Մարգարիտ Սարգսյան 